Gonzalo Higuain refuzohet nga Interi

20:54 | 26 Prill 2019
Arbresh Info

Sulmuesi i Chelseas, Gonzalo Higuain i është ofruar Interit por përgjigjja ka qenë negative nga skuadra italiane.

Reprezentuesi i Argjentinës, i cili aktualisht është në formë huazimi te “Blutë” nga Juventusi, do të largohet nga Chelsea në muajin qershor dhe “Zonja e Vjetër” tashmë është në kërkim të destinacionit të tij të ardhshëm, transmeton portali arbresh.info.

Edhe pse Interi dhe Maurio Icardi mund të ndajnë rrugët këtë verë, drejtori i ri sportiv i klubit Giuseppe Marotta nuk dëshiron të zëvendësojë atë me ish sulmuesin e Real Madridit.

Ndërkohë, Chelsea posedon opsionin për blerjen e Higuainit, por ata nuk dëshirojnë ta shfrytëzojnë atë.

Çmimi i 32-vjeçarit konsiderohet shumë i lartë nga klubi londinez, ndërkohë që personi që siguroi arritjen e tij, Maurizio Sarri, pritet të largohet këtë verë./arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm